13-14 мамыр аралығында Ақтау, Жаңаөзен қалаларында 40-тан астам қазақстандық жетекші жоғары оқу орындарының қатысуымен өтіп жатқан ауқымды көрмесіне келген қонақтарымыз таңдаған мамандықтарымен, өз пікірлерімен және көрмеден алған әсерлерімен бөлісті.

Жұмабай Жадыра, Ақтау қаласының № 49 мектеп-гимназиясының оқушысы: "Көрмеге біз мектеппен университеттерді көру, зерттеу үшін келдік. Көптеген университеттермен көріп, таныстым. Өзім таңдаған және басқа да мамандықтар

жөнінде ақпарат ала алдым. Осындай көрмелерді ата-аналар мен балалар үшін ұйымдастырылып жатқаны керемет. Себебі, білмейтінімізді осы жерден сұрап, көзбен көріп барлығын біліп жатырмыз".

Боранбай Райжан, KazBilim мектебінің ағылшын тілі мұғалімі: "Көрмеге өзімнің сыныбымды алып келдім. Университеттермен танысып, шектік баллдарын көріп, таңдауын жасай алмай жүрген оқушыларға күшті мүмкіндік болды. Университеттер көрмесі сыйлықтар беріп, ойындар ойнатылып қызықты форматта өтіп жатыр".

Ақпарат көзі: Қазақстан Республикасы Ғылым және жоғары білім министрлігі