АЗАМАТТЫҚ АВИАЦИЯ АКАДЕМИЯСЫ ИКАО АВИАЦИЯ ПЕРСОНАЛЫН ДАЯРЛАУДЫҢ ЖАҺАНДЫҚ ЖҮЙЕСІНІҢ ҚАТЫСУШЫСЫ БОЛДЫ

  Азаматтық авиация академиясының Авиациялық оқу орталығы ICAO аудит процедурасынан және авиация мамандарын даярлау талаптарына сәйкестігін растағаннан кейін ICAO TRAINAIR PLUS қола/Associate мәртебесі бағдарламасының ("membership") қатысушысы болды. Алда TRAINAIR PLUS мүшелігінің бөлігі ретінде арнайы пакеттерді (курстарды) әзірлеу қадамдарының бірі болатын жол бар.

 TRAINAIR PLUS- бүуіл әлем бойынша азаматтық авиация ұйымы (ICAO) мен виация мамандарын жаһандық даярлау элементі ретінде құрған халықаралық бағдарлама. Бағдарламаны ICAO GAT (Global Aviation Training) құрылымдық бөлімшесі басқарады, ол сала үшін кадрларды даярлау саласындағы саясатты қалыптастыруға және іске асыруға жауапты.

 Бағдарламаға қатысушылардың сәйкестігінің негізгі критерийлерінің бірі ICAO мақұлдаған оқу орындары пайдалана алатын авиация саласы үшін стандартталған оқу курстары мен материалдарын жасауға бағытталған.

 TRAINAIR PLUS бағдарламасына қатысатын оқу орындары ICAO және желінің басқа мүшелері әзірлеген стандартталған курстар кітапханасына қол жеткізе алады, сонымен қатар өз курстарын осы кітапханаға енгізу мүмкіндігіне ие болады.

 Айта кету керек, Халықаралық Азаматтық авиация ұйымының (ICAO) TRAINAIR PLUS бағдарламасының кітапханасында авиациялық оқытудың әртүрлі аспектілерін қамтитын 380-ден астам стандартталған оқу пакеттері бар. Бағдарламада бүкіл әлем бойынша 100-ден астам қатысушы тіркелген, олардың арасында ICAO мойындаған курстарды әзірлеу және ұсыну мәселесінде ынтымақтасатын оқу ұйымдары, корпоративтік серіктестер және аймақтық орталықтар бар. TRAINAIR PLUS оқу пакеттері әуеайлақтар, аэронавигациялық қызмет көрсету, әуе көлігі, авиациялық құқық, экология, ұшу қауіпсіздігі, авиациялық қауіпсіздік, авиациядағы құзыреттілікті даярлау және басқаруды қамтитын тоғыз пәндік бағыт бойынша жүргізіледі.

Ақпарат көзі: Қазақстан Республикасы Ғылым және жоғары білім министрлігі