Қазақ ұлттық қыздар педагогикалық университетінде «Сабақты зерттеу арқылы оқыту мен оқытуды дамыту» тақырыбында Lesson Study қалалық конференциясы өтті.

     Пленарлық отырысқа Кембридж университетінің шетелдік профессорлары Эллейн Уилсон және Риддлсдаун академиясы Орион колледжінің директоры доктор Томас Харриотт қатысты.

     Конференцияға қатысушы Алматы қаласының мұғалімдері мен университет студенттері сабақты зерттеудің өзекті мәселелері мен мектептерде іске асыру ерекшеліктерін талқылап, бірнеше негізгі секциялар бойынша өз жұмыстарын ұсынды.

     Талқылауға барлық деңгейдегі педагогтар қосылып, секция отырыстарында өз тәжірибелерімен бөлісті. Lesson Study оқу процесінің ажырамас бөлігіне айналған жетекші мектептерден 50-ден астам мұғалім, сондай-ақ университеттің 200-ден астам болашақ мұғалім студенттері ауқымды іс-шараға қатысты.

Ақпарат көзі: Қазақстан Республикасы Ғылым және жоғары білім министрлігі