Алматы, 2024 жылғы 1 маусым – Түркі мемлекеттері ұйымына (ТМҰ) мүше елдер президенттерінің сыртқы істер жөніндегі көмекшілерінің/кеңесшілерінің бейресми 2-ші кездесуі өтті.

Жиында қазақстандық делегация басшысы Қазақстан Республикасы Президентінің халықаралық мәселелер жөніндегі көмекшісі Ержан Қазыхан Қазақстанның Түркі мемлекеттері ұйымындағы төрағалығы барысы бойынша мәлімет етті. Елімізде жоспарланған іс-шараларға, атап айтқанда адам ресурстары, әділет және көлік министрлерінің, сондай-ақ жоғарғы соттардың басқосуларына назар аударды.

2024 жылғы қыркүйекте Астанада көзделген 5-ші Дүниежүзілік көшпенділер ойындарында белсенді қатысу жөніндегі қазақстандық шақыруды қайта растады.

Бұдан бөлек, жасыл экономика саласы, көліктік-логистикалық мүмкіндіктерді дамыту, сонымен бірге Ұйым Хатшылығын институализациялау және оның халықаралық сахнадағы беделін артыру бойынша пікір алмасты.

Жиын қатысушылары ТМҰ қызметін күшейту мақсатында жүйелі байланыстарды жалғастыру, сондай-ақ биыл Шуша және Бішкекте жоспарланған саммиттердің сапалы дайындығының маңыздылығын атап өтті.

Е. Қазыхан ТМҰ төрағасы Кубанычбек Омуралиев және Әзербайжан Президентінің сыртқы саясат мәселелері жөніндегі көмекшісі Хикмет Гаджиевпен де кездесіп, екіжақты және көпжақты күн тәртібінің өзекті мәселелерін, көліктік-логистиалық бағыттардың дамытуын және сауда экономикалық өзара әрекеттесуін талқылады.

Ақпарат көзі: Министерство иностранных дел Республики Казахстан