Алматы қаласында ҚР Ғылым және жоғары білім министрлігінің Ғылым қорының қолдауымен 2022-2024 жылдарға арналған Ғылыми және (немесе) ғылыми-техникалық қызмет нәтижелерін коммерцияландыру жобаларын гранттық қаржыландыру шеңберінде құйылған модификацияланған бетон шығаратын зауыт іске қосылды.

     Жоба жетекшісі Данияр Ахметовтың айтуынша, ғимараттар мен құрылыстарды салу кезінде маңызды көрсеткіштердің бірі – құрылыс жұмыстары кезінде туындайтын шу мен діріл деңгейінің төмендеуі, күрделі кеңістіктік геометрия конструкцияларын бетондау мүмкіндігінің болуы, бұл әсіресе еліміздің сейсмикалық қауіпті өңірлерінде өзекті.

     Құйылған модификацияланған бетон заманауи құрылыста қажетті қасиеттерге және физикалық-техникалық сипаттамаларға ие. Өнімді өндіру қуаттылығы жылына 150 000 куб.м құрайды, бұл Алматы қаласы мен облыстағы бетон қажеттілігінің үлкен үлесін жабуға мүмкіндік береді. Пайдаланылған бетонның төрттен бір бөлігі осы өндірісте өндірілуі мүмкін деп жоспарлануда.

     Өнімдер BI Group, BAZIS-A, Sensata Group, Rams Qazaqstan және ірі өнеркәсіптік құрылыс ұйымдары сияқты жетекші құрылыс ұйымдарының өкілдерінің қызығушылығын тудырды.

Ақпарат көзі: Қазақстан Республикасы Ғылым және жоғары білім министрлігі