Елордада Наурыз мейрамын тойлау қарсаңында Қайырымдылық пен мейірім күні «Жүректен жүрекке» атты концерт өтті, оған кез келген адам қатыса алды, деп хабарлайды Астана әкімдігінің ресми сайты.

Қайырымдылық акциясы «Өзгеге көмек – Ұлы даланың басты құндылықтарының бірі» ұранымен өтті.Сахнада жас өнерпаздар өнер көрсетті. Олардың қатарында №1, №2, №3 музыка мектептері мен №1, №2 өнер мектептерінің оқушылары бар. Олар көрермен алдында өнерлерін ортаға салды, сонымен қатар қазақ мәдениетін дәріптей отырып, өлең оқыды.

«Қайырымдылық концертіміздің атауында да символдық мән-мағына бар. Әрбір әуен тыңдарманның жанын тебірентіп, қазақ даласының сұлулығы мен өзіндік ерекшелігін көрсетеді. «Ересектер балалардың шығармашылығына тәнті болды», - дейді концертті ұйымдастырушы және Астанадағы №1 музыкалық мектеп директоры Жанар Қалиева.

Концертке кіру тегін болды, залда нағыз мерекелік көңіл күй орнады.

«Концерттің атмосферасы естен кетпестей болды, әртістердің әсерлі қойылымдары баурап алды. Тақпақтар мен әндердің орындалуы мәдениетіміздің бар сұлулығын жеткізді. Жас өнерпаздар өздерін нағыз кәсіби жағынан көрсетті. Оларға және ұйымдастырушыларға Ұлыстың ұлы күні Наурыз мейрамы қарсаңында осындай жылы әрі жүректен шыққан концерт қойғаны үшін алғыс айтамыз», - деп жергілікті тұрғын Әділ Бәкешев өз әсерін жеткізді.

Ақпарат көзі: ГУ «Аппарат акима города Астана»