Бүгін Қазақстан халқының бірлігі күні қарсаңында Бас прокуратурада Қазақстан Республикасы Парламенті Сенатының депутаттары Дархан Қыдырәлімен және Алишер Сатвалдиевпен кездесу өтті.

Қазақстан халқының бірлігі, этносаралық татулық, қайырымдылық пен өзара көмек, жас ұрпақтың патриотизмін нығайту мәселелері және басқа өзекті тақырыптар талқыланды. Депутаттар Мемлекет басшысының "Адал азамат" тұжырымдамасына және оның Ұлттық құрылтайдағы және Қазақстан халықтары Ассамблеясындағы сөздеріне ерекше назар аударды.

Прокуратура ұжымы депутаттарды үлкен қызығушылықпен тыңдап, жүргізіліп жатқан құқықтық түсіндіру жұмыстары жайлы пікірталасқа қатысты.

Аумақтық прокуратура органдарының қызметкерлері онлайн режимде белсенділік танытты.

Жалпы, кездесу бейресми және жағымды жағдайда өтті.

Бас прокуратураның баспасөз қызметі

Ақпарат көзі: Қазақстан Республикасының Бас прокуратурасы