Бөкетов атындағы Қарағанды университетінің зерттеу тобы «Цифрлық трансформация жағдайындағы қазақстандық әлеумет: перспективалар мен тәуекелдер» мегажобасын іске асыру шеңберінде Сингапур ұлттық университетіне (СҰУ) келді.

     СҰУ философия және психология факультетінің профессор-оқытушылар құрамына түрлі әлеуметтік институттарды, мемлекеттік қызметтерді цифрландыру, жасанды интеллект, ақпараттық-психологиялық қауіпсіздік және т.б. мәселелерге арналған оқыту семинарлары мен тренингтердің 10 күндік курсын ұйымдастырды. Бағдарламаның әр күні жеке тақырыпқа – цифрлық үкімет мәселелеріне, жасанды интелектіні дамыту жобаларына, цифрландыру жағдайында менталды денсаулық сақтау проблемаларына арналған.

     Бөкетов университетінің өкілдерін Ли Куан Ю атындағы Сингапур ұлттық университеті Мемлекеттік саясат мектебінің профессоры Яакоб Ибрахим қарсы алды.

    Әлемнің жетекші жоғары оқу орындарының бірінде оқу курсынан өту Бөкетов университетінің ғалымдарына зерттелетін саладағы жетекші үрдістермен танысуға, факультеттегі оқу процесінің әдістемелік арсеналын байытуға, сондай-ақ халықаралық ынтымақтастық арналарын жолға қоюға мүмкіндік береді.

Ақпарат көзі: Қазақстан Республикасы Ғылым және жоғары білім министрлігі