Еңбек және халықты әлеуметтік қорғау министрлігінің зейнетақы тағайындау кезіндегі еңбек өтілін есепке алу тәртібіне қатысты түсініктемесіне байланысты қосымша хабарлаймыз
Телеграмм КС - https://t.me/consot_kz
Конституциялық Сот өзінің 2025 жылғы 7 ақпандағы № 66-НҚ нормативтік қаулысында, жасына байланысты зейнетақы төлемдерін тағайындау үшін еңбек өтілін есептеу кезінде жұмыс істемейтін ананың ғана емес, жұмыс істемейтін әкенің де жас балаға күтім жасау уақытын оның нақты күтімі жүзеге асырылған жағдайда есептеу қажет екенін атап өтті.
Жас балаға күтім жасау ерекше қамқорлық мен қорғауды талап етеді, бұлар оның қалыпты физикалық, ақыл-ой, адамгершілік және психологиялық тұрғыдан дамуы үшін қажет. Бала өмірінің осы кезеңінде объективті жағдайларға байланысты ата-ана өзінің еңбек ету құқығын іске асыруда шектелуі мүмкін.
Еңбек заңнамасы жұмыс берушіге бала үш жасқа толғанға дейін ата-анасының – баланың анасының не әкесінің, сондай-ақ баланы тәрбиелеп отырған ата-анасының таңдауы бойынша бала күтімі бойынша демалыс беру міндетін бекітеді.
Ата-ана міндеттерін орындауға байланысты мұндай мән-жайлар әлеуметтік қорғау саласындағы мемлекеттік саясат шеңберінде өтемдік тетіктерді әзірлеу кезінде ескерілуге тиіс, өйткені Конституция неке мен отбасын, ана мен әке мен баланы қорғауға кепілдік беретін Қазақстан Республикасы қабылдаған әлеуметтік мемлекет моделі туралы ережелерді бекітеді.
«Қазақстан Республикасының Конституциялық Соты туралы» Конституциялық заңға сәйкес Конституциялық Соттың нормативтік қаулылары Қазақстан Республикасының бүкіл аумағында жалпыға міндетті, түпкілікті және шағымдануға жатпайтынын еске саламыз.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
