ИНКЛЮЗИВТІ БІЛІМ БЕРУ БОЙЫНША АУҚЫМДЫ ТРЕНИНГ ТҮРКІСТАН МЕН АҚТӨБЕ ҚАЛАЛАРЫНДА ЖАЛҒАСУДА

  4 маусымнан бастап Түркістан және Ақтөбе қалаларында Savvy Business sLTD және Каподистрия атындағы Афины ұлттық университеті бірлесіп ұйымдастырған инклюзивті білім беру бойынша ауқымды тренинг жалғасуда. 9 күндік тренингке ЖОО ПОҚ және мектеп педагогтары арасынан барлығы 200-ден астам тыңдаушы қатысуда.

  Оқытушылар практикалық және интерактивтік жаңа әдістемеліктен тұратын оқу бағдарламасын игеруде. Атап айтқанда, инклюзивті білім беру, ерекше білім беру қажеттіліктері бар оқушылар, инклюзивті білім берудегі бірлескен тәжірибелер, оқытудың әмбебап дизайны, саралап оқыту, ерекше білім беру қажеттіліктері бар оқушыларға психологиялық-педагогикалық қолдау көрсету әдістемесі, жеке тұлғаны қолдану, білім беру бағдарламалары мен жеке жоспарларды қосу, тақырыптары қамтылған.

  Тренинг ҚР Ғылым және жоғары білім министрлігі іске асыратын «Орта білім беруді жаңғырту» жобасы шеңберінде Дүниежүзілік банктің қолдауымен ұйымдастырылды. Инклюзивті білім беру бойынша оқыту ағымдағы жылдың 13 маусымына дейін жалғасады.

Ақпарат көзі: Қазақстан Республикасы Ғылым және жоғары білім министрлігі