2024 жылғы 18-19 мамырда А. Мырзахметов атындағы Көкшетау университетінің Халықаралық спорт кешені базасында өткен студенттік спорт лигасының Солтүстік-Орталық дивизионының волейболдан республикалық жарысы аяқталды. Үздік атақ үшін Қарағанды, Солтүстік Қазақстан, Арқалық және Ақмола облыстарының волейболшы-спортшыларының командалары, жоғары оқу орындарының студенттері бақ сынасты.

     Жарыстың жабылу салтанаты А. Мырзахметов атындағы Көкшетау университетінің халықаралық спорт кешенінде өтті. Салтанатты түрде қорытындылар жарияланды. 1-орынды Ы.Алтынсарин атындағы Арқалық педагогикалық институтының жасөспірімдер командасы және М. Қозыбаев атындағы Солтүстік Қазақстан университетінің қыздар командасы, 2 - орын-А. Мырзахметов атындағы Көкшетау университетінің ұлдар мен қыздар командасы иеленді.

     3-орынды М. Қозыбаев атындағы Солтүстік Қазақстан университетінің ұлдар командасы және Ш. Уәлиханов атындағы Көкшетау университетінің ұлдар командасы, сондай-ақ Е.Бөкетов атындағы Қарағанды университетінің қыздар командасы иеленді. Жеңімпаз командалар ғана емес, сонымен қатар «Үздік блокқа қоюшы», «Үздік диагональ», «Үздік либеро», «Үздік байланыстырушы», «Бағалы ойыншы» және т.б. номинациялардағы үздік ойыншылар да аталып, олардың жаттықтырушылары алғыс хаттар алды. Дене шынықтыру мен спортты дамытуға және студенттердің дене тәрбиесіне сіңірген еңбегі үшін университет ректорлары мен олардың өкілдері алғыс хаттармен марапатталды.

     Жеңімпаздар мен жүлдегерлерді марапаттау барысында Көкшетау университетінің ректоры Сағынтай Елюбаев спорт сайысының табысты аяқталуымен құттықтап, командалардың финалды жарыстарға жақсы дайындықпен келгендерін атап өтті.

Ақпарат көзі: Қазақстан Республикасы Ғылым және жоғары білім министрлігі