Maqsut Narikbayev University студенттері MNU Student Research & Debate Challenge 2024-те өздерінің ғылыми-зерттеу және дәлелдеу дағдыларын көрсетті.

     Maqsut Narikbayev University-де MNU Student Research & Debate Challenge 2024 байқауының жеңімпаздары мен финалистерін марапаттау салтанаты өтті. Бұл «Баланстағы жасанды интеллект (ЖИ): практикалық, құқықтық және этикалық дилеммалар» тақырыбына арналған байқау қатысушыларға өздерінің ғылыми-зерттеу және аргументациялық дағдыларын дамытуға, ғылыми-шығармашылық әлеуетін іске асыруға және университеттің зерттеу қызметіне белсене қатысуға бірегей мүмкіндік берді.Университет Провосты Сергей Пен өзінің құттықтау сөзінде студенттік ғылымның маңыздылығын атап өтіп, университеттің зерттеушілік жоспарлары туралы айтты. Ол бұл байқау биыл алғаш рет өткізіліп жатқанын, алайда болашақта жыл сайын дәстүрлі түрде өтетінін атап өтті, сондай-ақ алдағы уақытта аталған шараның бюджеті өсетінін мәлімдеді.

     Барлық финалистерге сертификат табысталып, жеңімпаздар бағалы сыйлықтарға ие болды. Атап айтқанда: Үшінші орынды «Кибержурналистика» командасы иеленді. Диана Алшоразова, Алина Козлова және Даяна Загипарова әрқайсысы 100 000 теңге көлемінде ақшалай сыйлықтармен марапатталды.

     Екінші орынды «Data Duet» командасы иеленді. Жанна Омарбекова мен Ажар Тунгатарова Apple-ден iPad планшеттерін алды.Бас жүлдені құрамында Назым Өмірзақова, Диана Харсиева және Арина Бабкина бар «Тhe Best» командасы жеңіп алды. Олар еуропалық серіктес университеттердің біріне бір апталық сапарға саяхат грантымен марапатталды және MNU Research and Debate Challenge жеңімпазы кубогыне ие болды.

     Айта кету керек «MNU Student Research & Debate Challenge» байқауы студенттердің ғылыми-зерттеу және аргументтік дағдыларын дамыту, дарынды студенттердің ғылыми-шығармашылық әлеуетін іске асыру және оларды университеттің зерттеу қызметіне тарту үшін өткізіледі.

Ақпарат көзі: Қазақстан Республикасы Ғылым және жоғары білім министрлігі