SDU University КИМЭП Университеті және Назарбаев Университетімен бірлесе отырып, «Жоғары білім беруде шешім қабылдауды жетілдіру үшін Институционалдық зерттеулер деректерін пайдалану» тақырыбында республикалық II Институционалды зерттеулер форумы өткізілді.

     Институционалдық зерттеулер саласындағы жаңа тенденцияларды, озық тәжірибелер мен туындаған мәселелерді талқылау үшін осы саладағы сарапшылар мен практиктер бас қосты. Форумға Қазақстанның 25 жетекші университеттерінің өкілдері қатысты.

     Форум панельдік сессия (гибридтік форматта) және практикалық тапсырмалар форматында ұйымдастырылды. Жиын барысында білім беру сапасын арттыруға бағытталған институционалдық зерттеулердің сәтті кейстері және білім алушылардың оқуға түсу сәтінен бастап, оқуды аяқтағанға дейінгі нәтижелерін мониторингілеудің негізгі қағидаттары талқыланды. Сондай-ақ жиналған деректер негізінде есеп берудің тиімді формалары мен шешім қабылдау стратегиялары, университеттердің ұйымдық мәдениетіне институционалдық зерттеулерді енгізу мәселелері және осы саладағы шешімдерді табу, тәжірибе алмасу жолдары сөз етілді.

     Форум нәтижесінде университет өкілдері өз тәжірибелерімен бөлісті. Сонымен қатар институционалдық зерттеулермен тікелей жұмыс істейтін, сапа мониторингімен немесе деректер талдаумен айналысатын мамандар аудиториясына бағытталған тәжірибелік сабақтардың жаңа әдістерін үйренді.

Ақпарат көзі: Қазақстан Республикасы Ғылым және жоғары білім министрлігі