ШЫҰ технологиялар трансферті орталығына ғылым мен бизнесті интеграциялау, инвестициялар тарту шеңберінде Ғылым қорының портфелінен перспективалы ғылыми жобалар таныстырылды.

     Кездесу барысында «Ғылым Қоры» Басқарма төрағасы Камиль Акатов ШЫҰ технологиялар трансфері орталығының директоры Чжао Чжунюанды Ғылым қорының қызметімен таныстырды.

     Тараптар технологияларды коммерцияландыру саласындағы ынтымақтастықты кеңейту перспективаларын қарастырды.

     Кездесуде гетероқұрылымдық күн батареялары негізінде күн модульдерін өндіру, физика-техникалық институтының ванадий ағынды аккумуляторлары үшін аралас ванадий оксидтерін алу технологиясын әзірлеу, Л.Н.Гумилев атындағы ЕҰУ жанындағы "Еуразиялық физика-энергетикалық зерттеулер мен ғылымды қажет ететін технологиялар" ҒЗИ термоэлектрлік модульдер мен натрий-ионды батареялар үшін нанокомпозиттік материалдар өндіру, сондай-ақ "Adele Energy Qazaqstan"ЖШС электромобильдерге арналған зарядтау станцияларын жаңғырту жобаларына ерекше назар аударылды.

     Талқылау нәтижесінде тараптар негізгі салалардағы ынтымақтастықты тереңдетуге өзара қызығушылық танытты.

Ақпарат көзі: Қазақстан Республикасы Ғылым және жоғары білім министрлігі