Астана қ. Дене шынықтыру және бұқаралық спорт академиясы RITA гранттық бағдарламасы аясында дәрігерге дейінгі алғашқы көмек көрсету бойынша қоғамға жаппай білім беру курстарын ұйымдастырып жатыр. Бұл жоба «Еуропалық құтқару және қауіпсіздік орталығы» қауымдастығымен, Быдгощ қ. Дене шынықтыру және спорт институтымен (Польша), WOPR (Польшалық суда құтқару орталығы) және Польшаның Қазақстандағы елшілігімен бірлесіп жүзеге асырылуда.

     Дайындық курстарына ҚР Туризм және Cпорт министрлігі, Спорт және дене шынықтыру істері комитеті, «Qazaqstan» ЖСК Олимпиадалық дайындау орталығы, Теннис федерациясы, Эстетикалық топтық гимнастика федерациясы, Ұлттық және ат спорты орталығы, Күрестен олимпиадалық даярлау орталығы, Армрестлинг федерациясы, «Дала қырандары» ҚБ, Триатлон Федерация және т.б. ұйымдардың өкілдері қатысуда. Сонымен қатар, келесі білім мекемелерінің мұғалімдері де белсенді қатысты: №2, №9 мамандандырылған балалар және жасөспірідер спорт мектебі, №10 шайбалы хоккей спорт мектебі, Жоғары спорт шеберлігі мектебі, Астана қ. халықаралық мектебі, Назарбаев зияткерлік мектебі, Қарағанды қ. жасөспірімдер спорт мектебі, Қадыр Мырза Әлі атындағы Binom school және т.б. мектептер. Жоба аясында полиция департаменті мен Ұлттық қауіпсіздік комитетінің қызметкерлері де қызығушылық танытып, оқудан өтті.

     Алғашқы дәрігерге дейінгі көмек көрсету бойынша қоғамға жаппай білім беру курстары 19-24 мамыр аралығында өтті. 1000-нан астам қатысушыларды Еуропалық реанимация кеңесінің нұсқаушылары (ERC) оқытып жатыр. Қатысушыларға халықаралық стандарттарға сәйкес сертификаттар табысталады: BLS/AED providerжәне RITA certificate.

Ақпарат көзі: Қазақстан Республикасы Ғылым және жоғары білім министрлігі