Түркістан облысында кәсіпкерлікті дамыту бағытында жүйелі жұмыстар атқарылып келеді. Оның нәтижесінде өңірде кәсіпорындар саны артып, шағын және орта кәсіпкерлік саласы бойынша оң өсім байқалады. Бүгінде 210 мыңнан астам шағын және орта бизнес субъектісі тіркеліп, Түркістан облысы Астана, Алматы қалаларынан кейінгі 3-ші орында тұр. Бұл жөнінде облыс әкімі Нұралхан Көшеровтің төрағалығымен өткен аппарат отырысында талқыланды.

Мәжілісте Нұралхан Көшеров кәсіпкерлік бағытында жүйелі жұмыс жүргізу керектігін жеткізді. Жауаптыларға нақты тапсырмалар берді.

Түркістан облысының кәсіпкерлік және өнеркәсіп басқармасының басшысы Нұржігіт Мырзахметов атқарылған жұмыстарды баяндады. Жалпы өңірде кәсіпкерлердің іскерлік белсенділігі артып, өндірілген өнім көлемі 142,1%-ға жеткен. Биыл 500 млн. теңгеге дейінгі шағын және орта бизнес жобалары қолға алынбақ. Оның 26 пайызы өндірістік салаға бағытталса, қалған бөлігі ауыл шаруашылығы және қайта өңдеу, туризм және қызмет көрсету, сауда салаларына бағытталған. Оған қоса 101 млрд. теңгеге 386 жоба жоспарлануда. Жобалардың басым бөлігі жиһаз өндірісі, құрылыс материалдарын өндіру, тамақ өндірісі, мақта өңдеу жобалары, тігін фабрикаларына бағытталған. Бүгінде аталған жобалардың жүзеге асуы ұдайы бақылауда. Облыс көлемінде 15 индустриалды аймақ бар. Қосымша 7 индустриалды аймақтың құрылысы жүргізілуде.

Бүгінде Түркістан қаласы және Ордабасы ауданындағы индустриалды аймақтары айырықша маңызға ие. Сонымен қатар Сауран ауданына қарасты 4 өндірістік паркте 105 өндірістік ғимаратын құру жоспарлануда. Қазіргі таңда 22 өндірістік ғимараттың құрылыс жұмыстары жүргізіліп жатыр. Онда жиһаз өндіру, құрылыс материалдарын шығару, тамақ өндірісі, тігін және тоқыма бұйымдары, пластмасса өнімдерін шығару жұмыстары жүргізіледі. Бүгінгі таңда «Түркістан әлеуметтік-кәсіпкерлік корпарациясы» АҚ-мен бірлесіп, аудан, қала әкімдіктерінде 10 өндірістік паркін құру жоспарлануда. Олар Сарыағаштағы Дарбаза ауылында, Ордабасыдағы Бадам, Шұбар ауылдарында және Түлкібас, Төлеби, Сайрам, Келес, Бәйдібек және Шардара аудандарында жүзеге аспақ. Аталған жобаларды қаржылай қолдау бойынша 7-8% пайыздық несиелендіруді көздейтін кешенді бағдарламасына кәсіпкерлер тарапынан сұраныс артып, 60,2 млрд. теңге несие берілді. Несиенің басым бөлігі өңдеу өнеркәсібіне бағытталған.

«Ауыл аманаты» жобасы бойынша 7,4 млрд. теңгенің 1,4 млрд. теңгесі кәсіпкерлікке жұмылдырылған. Кәсіпкерлерге қолайлы жағдай жасау мақсатында 80 бизнес-жоба әзірленген.

Айта кетейік, кәсіпкерлік саласы бойынша облыс әкімінің тапсырмасымен үшін индикаторлық көрсеткіштер әзірленіп, бекітілген. Аудан және қала әкімдіктері мен жауапты басқармаларға бекітілген көрсеткішерді тұрақты бақылауда ұстап, орындалуын қамтамасыз ету жүктелген. Түркістан облысы әкімінің баспасөз қызметі

Ақпарат көзі: ГУ "Аппарат акима Туркестанской области"