30 мамыр күні сағат 17:00-де Астанада Бауыржан Момышұлы даңғылы, 5 мекенжайында орналасқан Әл-Фараби атындағы Оқушылар сарайында «Халық заңгері» жалпыреспубликалық акциясы өтеді, деп хабарлайды елорда әкімдігінің ресми сайтында.

Акция халықтың құқықтық сауаттылығын арттыруға және азаматтарға тегін заң көмегін көрсетуге бағытталған. Оған адвокаттар, нотариустар, судьялар, прокурорлар, тергеушілер, сот орындаушылары, полицейлер, Сыбайлас жемқорлыққа қарсы қызмет, әділет, салық органдарының, жылжымайтын мүлікті тіркеу басқармасының қызметкерлері және т. б. қатысады.

Акцияны ұйымдастырушылар – ҚР Сыбайлас жемқорлыққа қарсы іс-қимыл агенттігі, ҚР Әділет министрлігі, Zakon.kz желілік басылымы, «Параграф» ақпараттық жүйесі.

«Халық заңгері» акциясы бірнеше жылдан бері дәстүрлі түрде өткізіліп келеді. 2016-2023 жылдар аралығында акцияға 8000-нан астам үздік сарапшы және мемлекеттік органдардың шешім қабылдай алатын құзыретке ие өкілдері қатысқан. Құқықтық көмекке жүгінген 165 000-нан астам азамат консультация алған. Қазақстандықтар акцияны ұйымдастырушыларға алғыстарын білдіруде.

Акция форматының Қазақстанда ғана емес, сондай-ақ әлемде ауқымы мен географиясы бойынша теңдесі жоқ екенін айтады сарапшылар.

Ақпарат көзі: ГУ «Аппарат акима города Астана»