Бүгін, 15 наурызда Алматы облысы ТЖД 112 пультіне Талғар ауданының Жаңалық ауылындағы резеңке өңдеу цехының аумағынан тыс жерде жинақталған резеңке-техникалық бұйымдардың өртенгені туралы хабарлама келіп түсті.

  Оқиға орнына Алматы облысы және Алматы қаласы ТЖД күштері мен құралдары жіберілді.

  Өртті сөндіруді Алматы облысы Талғар ауданының Жаңалық ауылында жаңа өрт сөндіру бөлімін ашу үшін жұмыс сапарымен келген ҚР ТЖ министрі генерал-майор Шыңғыс Әрінов өрт сөндіруді өзі басқарды. ТЖМ басшысы барлық қызметтердің жедел өзара іс-қимылын және өртті жою жөнінде шаралар қабылдауды қамтамасыз етті.

  Өрт сөндірушілердің жедел және кәсіби әрекеттерінің арқасында өрттің таралуын болдырмауға мүмкіндік туды. Арнайы техниканың көмегімен жанып жатқан және жалынға оранған бұйымдар арасында алшақтық пайда болды, бұл өртті оқшаулауға мүмкіндік берді. Өрт толығымен сөндірілді.

  Өртті жоюға ТЖД бөлімшелерінен, жергілікті атқарушы органдар мен МЕӨҚҚ-дан 78 адам мен 27 бірлік техника жұмылдырылды.

  Өрттің себептерін анықтау және залалды бағалау үшін оқиға орнына Алматы облысы ТЖД зерттеу сынақ өрт зертханасының және анықтау бөлімінің мамандары жіберілді.

Ақпарат көзі: Министерство по чрезвычайным ситуациям Республики Казахстан