Мемлекет басшысының тапсырмасына сәйкес, Ақтөбе облысында денсаулық сақтау саласындағы медициналық қызметтердің сапасын арттыру үшін «Ауылдық денсаулық сақтауды жаңғырту» ұлттық жобасы қарқынды іске асырылуда.

Облыста Ұлттық жоба аясында биыл ауылдық жерлерде 11 заманауи медициналық нысан пайдалануға берілді.

Медициналық мекемелер Алға ауданы Тоқмансай және Қарабұлақ, Мәртөк ауданы Аққайың және Байторысай, Темір ауданы Алтықарасу және Ақсай, Мұғалжар ауданы  Бірлік, Қожасай және Сага, Хромтау ауданы Тасөткел, Шалқар ауданы Қаратоғай ауылдарында ашылды.

Сондай-ақ,  денсаулық сақтау саласындағы қысқаша жетістіктер бойынша келесідей фактілерді атап өтуге болады.

Биыл 1,9 млрд. тг сомасына 14 Денсаулық сақтау объектісінде күрделі жөндеу жұмыстары жүргізілді.

Сонымен қатар, денсаулық сақтау ұйымдарын медициналық техникамен қамтамасыз етуге  4,5 млрд. тг бөлінді.

243,3 млн. тг  қаражатына 17 бірлік санитарлық автокөліктері сатып алынды.

Аса тапшы мамандықтар бойынша 25 дәрігер ауылдық жерлерге жұмыс істеу үшін,  8,5 млн тг көлемінде әлеуметтік қолдау алды.

2025 жылға жоспар.

- Ауылдық денсаулық сақтау инфрақұрылымын жаңғырту» ұлттық жобасы аясында 8 нысанның құрылысы, оның ішінде транстерілік коронарлық араласу орталығы бар 3 ауданаралық аурухана салынады.

- Онкологиялық диспансер, қалалық балалар ауруханасы және облыстық қан орталығының құрылысы бастау алады.    Жоғарыда аталған жобалардан басқа, жеке инвестициялар есебінен Батыс Қазақстан өңірлерін толығымен қамтитын ірі жоба - ядролық медицина орталығымен «Orhun Med Limited» клиникасының құрылысы жүзеге асырылуда. Нысанды 2026 жылы пайдалануға беру жоспарда.

Ақпарат көзі: ГУ «Акимат Актюбинской области»