Қазақстан Республикасы Ауыл шаруашылығы министрлігінің Жер ресурстарын басқару комитеті Абай облысы Семей қаласының жер қатынастары бөліміне тексеру жүргізіп, нәтижесінде жер телімдерін беру кезінде жер заңнамасын бұзу фактілері анықталды.

Осылайша, әкімдік тарапынан конкурс (аукцион) өткізбей, жарнамалық құрылымдарды орнату үшін жер телімдерін заңсыз бергені, сол арқылы ҚР Жер кодексінің 48-бабының нормаларын бұзғаны анықталды.

Аумақтық департамент Абай облысының мамандандырылған ауданаралық экономикалық сотына 0,045 гектар аумақты құрайтын 23 жер учаскесін жалға беру шартын жарамсыз деп тану туралы талап арыз жолдады.

Абай ауданы мамандандырылған ауданаралық экономикалық сотының шешімімен талап арыз қанағаттандырылды.

Абай облыстық сотының азаматтық істер жөніндегі сот алқасының қаулысымен бірінші сатыдағы соттың қаулысы өзгеріссіз қалдырылды. Сот актілері заңды күшіне енді.

Ақпарат көзі: Министерство сельского хозяйства Республики Казахстан