Бүгін Көкшетау қаласының әкімі Ануар Күмпекеев тұрғын үй-коммуналдық шаруашылық, жолаушылар транспорты және автомобиль жолдары бөлімінің мердігер ұйымдарымен кеңес өткізді. Кеңеске әкімдік өкілдері, коммуналдық кәсіпорын жетекшілері және мердігер ұйымдардың өкілдері қатысты.

Кеңес барысында инфрақұрылымды жақсартуға байланысты өзекті мәселелер талқыланды. Атап айтқанда, жол белгілерін жаңарту, жолдарды жөндеу, жарықтандыруды жақсарту, көгалдандыру, көшелерді тазалау және қарды шығару мәселелеріне ерекше назар аударылды.

Қала әкімі қазіргі жағдайға көңілі толмайтынын айтып, барлық өкілдерді мәселелерді ең қысқа мерзімде шешуге шақырды.

«Біз талдау жүргіздік, мердігерлер бойынша автожолдарды қысқы күтіп-ұстау стандарттарына сәйкес қанша техниканың нормативтік қамтамасыз етілуі керектігін есептедік. Есептеулерге сәйкес «Зерен плюс 2006» ЖШС-де 19 бірлік техника, ал «Көкше Тазалық» ЖШС-де 39 бірлік техника жетіспейді. Осыған байланысты сіз қала бойынша тазалауға үлгермей жатырсыздар. Мен сіздерге техниканы күшейтуді ұсынамын», - деді қала әкімі.

Мердігер ұйымдар техниканың аздығынан үлгермейтіндерін растап, техниканың санын арттыруға міндеттенді.

Әнуар Күмпекеев техниканы ұлғайту және жұмыс сапасын жақсарту мәселесін жедел пысықтауды тапсырды. Ол алға қойылған міндеттерді тиімді іске асыру және прогресс туралы тұрақты есеп беру қажеттігін атап өтті.

Ақпарат көзі: ГУ «Аппарат акима города Кокшетау»