«Халық үніне құлақ асатын мемлекет» Көкшетау қаласы әкімдігінің бастамасымен «Ашық диалог» жобасы аясында 25 қараша күні қала әкімі Әнуар Күмпекеевтің қатысуымен кезекті кездесу өтті.

Кездесу №17 орта мектептің акт залында Сарыарқа-Көктем-Центральный-Васильковский шағын аудандарының тұрғындары үшін ұйымдастырылды. Әкіммен кездесу барысында тұрғындармен жарықтандыру, сумен қамтамасыз ету, спорт және балалар алаңдарын абаттандыру, аулалар, жолдар мен лифттерді жөндеу мәселелеріне байланысты ең өзекті сұрақтар қойылды.

«Бұл кездесу сіздермен және осы шағын аудандардағы мәселелермен танысу үшін ұйымдастырылған. Көріп отырғанымыздай, ерекше бақылауды қажет ететін бірқатар мәселелер бар. Сондай-ақ облыс әкімі электрмен және жылумен жабдықтау жүйесімен айналысуды тапсырды», - деп атап өтті А.Күмпекеев.

Қала әкімі кездесуде көтерілген барлық мәселелер оның жеке бақылауына алынып, шешілетініне сендірді.

«Барлық тұрғындардың атынан ТКШ бөліміне олардың жұмысы үшін, аулаларымызды абаттандырғаны үшін алғыс айтқым келеді. Сондай-ақ, қала әкіміне үйдің қасбеті мәселесін тез арада шешкені үшін алғыс айтамын. Тұрғындар сізді іздеп барған жоқ, керісінше сіз тұрғындармен кездесуге келдіңіз. Бізге дәл осындай әкім керек», - деп атап өтті жергілікті тұрғындардың бірі.

Ақпарат көзі: ГУ «Аппарат акима города Кокшетау»