Республикалық маңызы бар «Aqmola» индустриялық аймағы өңірдің экономикалық дамуы мен инвестиция тартуда маңызды рөл атқарады. Индустриялық аймақтың аумағы 300 гектарды құрайды, қазіргі уақытта қажетті инфрақұрылым нысандарын салу және аумақты 1000 гектарға дейін кеңейту мәселелері қарастырылуда.

Мемлекет басшысының инвестицияларды тарту жұмысының тиімділігін арттыру жөніндегі тапсырмасы аясында «Aqmola» индустриялық аймағын дамыту перспективалары Ақмола облысының әкімі Марат Ахметжановтың төрағалығымен өткен кеңесте талқыланды. Айта кетейік, «Aqmola» индустриялық аймағы астаналық агломерация аймағында орналасқан және инвесторлар үшін тартымды нысан болып табылады.

Индустриялық аймақтың қазіргі даму барысы туралы Кәсіпкерлік және өнеркәсіп басқармасы басшысының орынбасары Бақытжан Сапар баяндама жасады.

«Көкшетау Инжиниринг» ЖШС басшысы Азамат Елеусізов аймақты инженерлік инфрақұрылыммен қамтамасыз ету бойынша атқарылған жұмыстар туралы есеп берді.

«Aqmola Invest» инвестицияларды дамыту орталығының басшысы Айдос Жүргінов индустриялық аймақта орналастыруға жоспарланған жобалар мен Ақмола облысының басқа аумақтарындағы жобаларды іске асыру перспективалары туралы баяндады.

Кеңесте Мемлекет басшысының қолайлы инвестициялық климат қалыптастыру жөніндегі тапсырмасын орындауға ерекше назар аударылды.

Кеңес қатысушылар арасында пікір және ұсыныс алмасу алаңына айналды. Олар индустриялық аймақтың табысты дамуы үшін іс-қимылдарды үйлестірудің маңыздылығын атап өтті.

Облыс әкімі «Aqmola» инлустриялық аймағы өңірдің экономикалық дамуы мен инвестиция тартуда негізгі рөл атқаратынын айтты.

Ақпарат көзі: ГУ «Аппарат акима Акмолинской области»